کەی و چۆن ڕێنماییەکان بدەیت
دوای تێگەیشتن لە گرنگی بیرکردنەوە لە کورتی و بەباشی ڕێکخراوی ڕێنماییەکان، دەبێت تێبگەیت چ کاتێک ڕێنماییەکان بدەیت. هەڵەیەکی باو و گەورە کە مامۆستایان زۆرجار ئەنجامی دەدەن بریتیە لە دەستکردن بە پێدانی ڕێنمایی لە کاتێکدا کە خوێندکارەکان بە ئاگانین و یان نازانن کە چالاکیەکی تازە دەستپێدەکات. لە ئەنجامدا، هەندێک لە خوێندکاران ڕەنگە تێبگەن کە چی ئەنجام دەدەن و هەندێکیش ڕەنگە تێنەگەن. لەم حاڵەتەشدا، مامۆستایان پێویستە ڕێنماییەکان دووبارەبکەنەوە زیاتر لە جارێک، بەمەش نەک تەنها کات بەفیڕۆ دەچێت، بەڵکو خوێندکارەکانی تریش ڕەنگە بێزاربن.
لەبەرئەوە، پێش پێدانی ڕێنماییەکان، دڵنیابە لە بەکارهێنانی بەدەستهێنانی ئاگایی تا دڵنیابیت کە هەموو خوێندکارەکان بەئاگان.
بەدەستهێنانی ئاگایی چیە؟
بریتیە لە ئاماژەی بیستراو و بینراو کە مامۆستا بەکاری دەهێنێت لەسەرەتای هەر چالاکیەک، ئەرکێک یان هەر چالاکیەکی تری گرنگ بۆ ڕاکێشانی سەرەنجی خوێندکاران و بۆ دڵنیابونەوە لەوەی کە خوێندکاران بەتەواوی ئاگادارن لەوەی مامۆستا دەیڵێت.
لەهەمان کاتیشدا بەکاردێت بۆ پێکەوە بەستنی چالاکیە جیاوازەکان. بەمەش دڵنیادەبن کە خوێندکاران ئامادەن پێش ئەوەی بچن بۆ چالاکیەکی تر.
بەڕاستی سودبەخشن وەک کاتێکی زۆری ڕێنمایی پێدان دەگەڕێنێتەوە، هەلی ئەوە دەدات کە پەیوەست بیت بە خوێندکارانەوە و ژینگەیەکی هەستپێکراو دروست دەکات لە پۆلدا.
سەیری ئەو وانەیەی خوارەوە بکە بۆ بینینی هەندێک نمونەی بەدەستهێنانی ئاگایی.
( ڤیدیۆی ٣)
لە ڤیدیۆکەدا، دەتوانرێت ببینرێت کە مامۆستای یەکەم پارچە دارێک باکاردەهێنێت بۆ بەدەستهێنانی ئاگایی خوێندکاران و دواتر وتنەوەی ڕەفتاری ئەرێنی بەکاردێنێت بۆ دووپاتکردنەوەی. مامۆستای دووەم ژمارەکان بەکاردێنێت بۆ دەستخستنی ئاگایی خوێندکاران.