ڕێکخستنی پێدانی ڕێنماییەکان
گرنگە بزانیت کە پێدانی ڕێنمایی بنچینەیە لە بەڕێوەبردنی پۆلدا. زۆرجار کەم بەشداریکردنی خوێندکاران لە چالاکیەکاندا دەکرێت ئەو ڕاستیەمان پێبڵێت کە مامۆستایان نازانن چۆن ڕێنمایی بدەن یان ڕێنماییەکانیان لێڵ و ناڕوونن بۆ شوێنکەوتن. ئەمەش دەبێتەهۆی بەرهەم هێنانی کۆمەڵێک خوێندکاری سەرلێشێواو کە نازانن چی بکەن. ئەمانە هەندێک ڕێگای یارمەتیدەرن کە وادەکەن ڕێنماییەکانت زیاتر کاریگەربن.
- یەکەم بەشی گرنگ لە پێدانی ڕێنمایی ڕوون بریتیە لە دابەشکردنیان بۆ ڕێنمایی کورت و ڕوون.
- دووەم، بە خوێندکارەکان مەڵێ کە هەمووی بەیەک جار ئەنجام بدەن. کەی گونجا یەک بۆ دوو ڕێنمایی بدە با خوێندکارەکان شوێنی بکەون و ئەنجامی بدەن دواتر ڕێنمایی تر بناسێنە و با خوێندکارەکان شوێنی بکەون و ئەنجامی بدەن.
- بەردەوام بە لەم شێوازە تا هەموو ڕینماییەکانت تەواودەبن.
- دواتر بگەڕێ بە پۆلەکەدا بۆ ئەوەی ببینیت ئایا هەموو خوێندکارەکان لەسەر ئەرکەکەن و ئەوە دەکەن کە پێیان وتراوە.
لەم ڕێگەیەشەوە، ڕوونتر و ئاسانتر دەبێت بۆ مامەڵەکردن لەگەڵ ئەو بەشانەی کە خویندکارەکان لێی تێ ناگەن. بۆ نموونە، ڕێنماییەکانی سەرەوە لە کویزەکەی پێشوو وادیار بوو زۆر درێژ بوون و بە ئەگەرێکی زۆرەوە خوێندکاران نەیاندەتوانی شوێنیان بکەون. ئەم ڕێنماییانەی خوارەوە ڤێرژنە چاکراوەکەی پیشاندەدات.
- بڵێ بەرامبەر هاوڕێکەت دانیشە.
- چاوەڕێ بکە کاتێک دەجوڵێن.
- هەندێکتان Aین ( ئاماژە بۆ A بکە لە وەرەقەکەدا).
- هەندێکتان B ین( ئاماژەی بۆ بکە).
- وەرەقەکەت نیشانی هیچ کەس مەدە ( وەرەقەکە بنوسێنە بە خۆتەوەو لاسایی شاردنەوە بکەرەوە).
- وەرەقەکان دابەش بکە.
- هەندێ شت لە وێنەی A جیاوازن لە هەندێکی تر لە وێنەی B.
- وێنەکەت باس بکە.
- کاتێک شتێکی جیاوازت دۆزییەوە، بیکێشە ( لاسای وێنەکێشان بکەوە).
- پشکنین بکە بۆ تێگەیشتنیان لە ڕێنماییەکان. چی دەکەن؟ خوێندکارەکان وەڵام دەدەنەوە بە ڕونکردنەوەی کورت.
ڕێنماییەکان ئەوە نیشاندەدەن کە چۆن ڕێنماییەکان دابەشکراون بۆ ڕێنماییە کورت و ڕوونەکان. هەروەها ئەوەش نیشاندەدات کە چۆن هەلدەدات بە خوێندکارەکان ئەوە ئەنجام بدەن کە مامۆستاکە وتویەتی پێش ئەوەی بچێتە سەر ڕێنمایی داهاتوو. ئەوەش نیشاندەدات چۆن ڕێنماییەکان بەستراونەتەوە بە دەنگێکی ڕوون و زمانی جەستە.
کەواتە، بۆ ئەوەی ڕێنماییەکان کاریگەربن. دەبێت کورت بن، بە ڕوونی ڕێکخرابن. پێویستیشە بوترێت و ئەنجام بدرێت بە دەنگێکی ڕوون و زمانی جەستە. ئەم ڤیدیۆیانەی خوارەوە ئەوەنیشاندەدەن کە چۆن مامۆستایان ڕێنمایی ڕوون و کورت و کاریگەر دەدەن. سەیرێکی ئەم وانەیەی خوارەوە بکە و ببینە چۆن مامۆستا ڕێنمایی کاریگەر دەدات.
( ڤیدیۆ ١)
دوای سەیرکردنی وانەکە، مەشق بکە لەسەر پێدانی هەمان ڕێنمایی یان ڕێنمایی خۆت، شوێن ڕێنماییەکانی ئەم وانەیە بکەوە کە پێتدراوە.