قۆناغەکانی وتنەوەی ڕەفتارە ئەرێنییەکان (٢)
بۆئەوەی تێبگەیت کە چۆن وتنەوەی ڕەفتارە ئەرێنییەکان جێبەجێ بکەیت، تێگەیشتن لە قۆناغە جیاوازەکانی زۆر بە سود دەبێت. ئەم هەنگاوانەی خوارەوە بگرە بۆ ئەوەی بتوانیت لە پۆلەکەی خۆتدا ئەنجامی بدەیت.
١. ڕێنمایی ڕوون بدە، ڕێنمای ڕون زۆر پێویستە بۆ تێگەیشتنی خوێندکاران و بەدەمەوەهاتنیان بۆ چالاکیەکان.
٢. سەیری خوێندکارەکانت بکە بۆماوەی ٢ چرکە دوای پێدانی ڕێنماییەکان بۆ ئەوەی ببینیت کە ئایا ئەوەی وتوتە ئەنجامیان داوە.جەخت بخە سەر دوو بۆ سێ خوێندکار کە شوێن ڕێنماییەکانت دەکەون و چالاکیە ئەرێنیەکانیان بڵێرەوە. ( دیلان کار لەسەر ئەرکەکەی دەکات و وەڵامی پرسیارەکان دەداتەوە. گروپی یەکەم پێکەوە بە بێدەنگی کاردەکەن). بیرت بێت بەخوێندکارەکاندا هەڵمەدە ( دیلان حەزم لەو ڕێگەیەیە کە تۆ ئەنجامت دا، شیلان تۆ کارێکی سەرنجڕاکێش دەکەیت) چونکە خوێندکاران لێی بێزاردەبن. لەبەرئەوە تەنها باسی چالاکی و ڕەفتارەکانیان بکە. ( سوزان ئامادەیەو پەنجەی لەسەر پرسیارەکەیە، سارا ئامادەیەو سەیری پرسیاری دووەم دەکات.).
٣. بیرت نەچێت ئەو خوێندکارانە زۆر بڵێیتەوە کە کێشە زۆر دروست دەکەن بۆ ئەوەی زۆرترین گرنگی ئەرێنیان پێبدەیت. ( ئەمە گرنگە- خوێندکارە کێشە دروستکەرەکان لەبیر مەکە)
٤. لەگەڵ خوێندکاری بەتەمەندا، ئەگەر حەزنەکەن بەناوی خۆیان بانگ بکرێن، ناوی ئەو گروپە لەخوێندکاران بهێنە کە شوێن ڕێنماییەکانت دەکەون. ( وەک ئەوەی بینیمان لە ڤیدیۆی ژمارە ٦ دا).
٥. پیشانی خوێندکارەکانی بدە کە تۆ بەئاگایت لە ڕەفتاریان وبەڕونی دەتوانیت ببینیت کە چی دەکەن.
٦. وتنەوە ئەنجام بدە پێش ئەوەی فیدباک بدەیتەوە یان دەرسەکەت بوەستێنیت چونکە ئەمە هەلی ئەوە بە خوێندکاران دەدات کە بەشداری بکەن و شوێن ڕێنماییەکانی مامۆستا بکەون بەبێ پچڕاندنی بەردەوامی و شەپۆلی وانەکە. ( ڤیدیۆی ژمارە ٧)
٧. ئەگەر پێویست بوو – دووبارە ئەو خوێندکارانە ئاڕاستە بکە کە هێشتا شوێن ڕێنماییەکان نەکەوتون.
حەوت قۆناغەکەی بازنەی یەکەمی وتنەوەی ڕەفتاری ئەرێنی هەنگاوی یەکەمن بۆ بنیاتنانی بازنەی سیستەمی بەڕێوەبردنی پۆلەکەت. هەریەکێک لەو بەشانە لە وانەی داهاتوودا ڕوندەکرێتەوە و فێردەبیت چۆن بەشێوەیەکی کرداری جێبەجێیان بکەیت لە پۆلەکەتدا.