سیستەمی پاداشت بۆ تیمەکان- بەشی ١
ئەگەر پێتوایە سیستەمی پاداشتکردنی هەموو پۆلەکە گونجاو نیە بۆ پۆلەکەت، دەتوانیت سیستەمی پاداشتکردنی تیمەکان یان گروپەکان هەڵبژێریت لە پۆلەکەدا.
سیستەمی پاداشتی تیمەکان دەکرێت کاریگەربێت بۆ دەستپێکردنی سەرەتای هەر وانەیەکی ئەکادیمی یان هەر قۆناغێکی دیکە چونکە پێکدێت لە هەردوو چەمکی هاوکاریکردن لە ناو هەر تیمێکدا و هەروەها پێشبڕکێش. ئەمانە هەنگاوەکانن کە تۆ دەتوانیت شوێنیان بکەویت: ( فایلێکی پاوەرپۆینت ئامادەکراوە بۆ ناساندنی چالاکیەکە بۆ خوێندکارەکانت. لێرە کلیک بکە بۆ دابەزاندن)
یەکەم: کەرەستە پێویستەکان:
- ١٥ بۆ ٢٠ فۆڵدەری دوو گیرفانی
- ٥٠٠ پارە یان کارت
- ٥ دەفری پلاستیکی کە سەرەکەیان کون بێت
دووەم: تیمەکان بنیات بنێ
پۆلەکە دابەشبکە بۆ ٤-٥ تیم یان زیاتر بەگوێرەی قەبارەی پۆلەکەت. دڵنیابە لە دانانی ١ خوێندکاری زیرەک، ٢-٣ خوێندکاری مامناوەند هەروەها ١ خوێندکاری ئاست نزم لە هەمان گروپدا. (هەروەها توانا و ڕەفتاری ئەندامەکانی تیمەکانیش لەبەرچاوبگرە.) هەر تیمێک دەکرێت پێکبێت لە ٤-٥ خوێندکار و هەر خوێندکارێکیش یاسای تایبەت و بەرپرسیاریەتی تایبەت. هەر تیمێک پێویستە ناوی خۆیان هەڵبژێرن و تەوقەبکەن.( یان هەر ڕێگەیەکی تری سڵاو کردن).
٤ کار هەیە کە هەفتانە دەسوڕێتەوە لەناو تیمەکاندا: بەڕێوەبەری کەرەستەکان، پشکنەری تیم، بەڕێوەبەری داتاکان و پەیامنێری تیم. لە تیمی ٥ کەسیدا کەسێک ئیشی نابێت هەر هەفتەیەک.
باسکردنی کارەکانی تیم:
مامۆستا ڕەنگە لێپرسراوێتی زیاتر زیادبکات بۆ کارەکانی تیم لەماوەی وانەکەدا- چاوو گوێت با کراوەبێت بۆ هەر شتێکی زیادە!
پەیامنێری تیم
- قسەکەری تیمە لەکاتی وانەدا.
- خاڵەکان دەدات لەکۆتای وانەکەدا.
- کاری بەڕێوەبەری داتاکان دەکات ئەگەر ئەو نەهاتبێت.
بەڕێوەبەری داتای تیم
- بەرپرسە لە پارە و خاڵەکانی تیم هەروەها لە دەفری پارە و خاڵەکان.
- خاڵ و پارەکان دەژمێرێت لەکۆتایی پۆلەکەدا.
- پارە و خاڵەکان تۆماردەکات ڕۆژانە.
- ئیشی ئەو کەسە وەردەگرێت کە نەهاتووە.
پشکنەری تیم
- لیستی پشکنینی ڕۆژانە پڕدەکاتەوە
- ئەندامەکانی تیمەکە لەسەر کارەکانیان دەهێڵێتەوە
- لێپرسراوی کاتی تیمەکەیە
بەڕێوەبەری کەرستەکانی تیم
- فۆڵدەری تیم و کارت/پارەکانی تیم و دەفرەکان وەردەگرێت لەسەرەتای پۆلەکەدا.
- هەر کەرەستەیەک پێویست بێت وەری دەگرێت لەماوەی وانەکەدا.
- هەر کەرەستەیەک پێویست بێت بۆ گەڕانەوە دەیگەڕێنێتەوە لە کاتی وانەکەدا.
- فۆڵدەری تیم دەگەڕێنێتەوە، پارە/کارتەکان دەخاتە ناو سەبەتەی خۆڵەکە و دەفرە بەتاڵەکانی پارە و کارتەکانی تیمەکە دەگەڕێنێتەوە.
هەر تیمێک فۆڵدەری تیمی هەیە لەگەڵ دەفری پارە/کارتەکان. بەڕێوەبەری کەرەستەکان بەرپرسن لە وەرگرتنی فۆڵدەری تیم و دەفری پارەکان هەروەها گەڕانەوەیان لە کۆتای وانەکەدا. هەموو ئامادەکارییەکانی پۆل دەبێت لە فۆڵدەری تیمدا بێت و خوێندکارانیش پێویستە هەموو کارەکان بگەڕێننەوە بۆ فۆڵدەری تیم لەکۆتایی وانەکەدا. فۆڵدەری تیم پێویستە دوو گیرفانی هەبێت لەگەڵ شوێنێک لە ناوەڕاستدا بۆ دۆکیومێنتەکانی تیمەکە. دۆکیومێنتەکانی تیمەکە( کلیک لێرە بکە بۆ دابەزاندن) پێکدێت لە ٨ هەفتەی خولاوەی خشتەی کارەکانی تیم، پشکنەری ئەدای تیم، پشکنەری کویز و تاقیکردنەوەکانی تیم هەروەها زانیاری لەسەر ئیشەکان.
سێهەم: ئامادەکاری
هەموو فۆڵدەرەکانی تیمەکان دابنێ، کارنامەی تیم ( لە ژورەکەدا هەڵی بواسە)، پۆستەرەکانی پێوەری گەرم، پشکنەری خاڵەکانی تیم ( بەشێک لە بۆردەکە یان بۆردێکی جیا). لێرە کلیک بکە بۆ دابەزاندنیان.