بەڕێوەبردنی پۆل: مەشقە کاریگەرەکانی وانەوتنەوە (2)

مەشقە کاریگەرەکانی وانەوتنەوە پێکدێت لەم چەمکانەی خوارەوە: تێگەیشتن لێیان دەکرێت یارمەتیدەرێکی زۆر باش بێت بۆکاریگەری زیاتر و لەهەمان کاتیشدا یارمەتیدەربێت لە بنیاتنانی بەڕێوەبردنێکی باشی پۆل.

١. کرداری پێش وەختە، نەک کاردانەوە

ئەمەش واتای ئەوەیە ڕۆڵی مامۆستا لەپۆلدا نابێت تەنها کاردانەوە بێت بۆ کێشەکانی خوێندکاران. بەڵکو مامۆستایان پێویستە پێشبینی کێشە دیاریکراوەکانی بەڕێوەبردنی پۆل بکەن کە ڕودەدەن و چارەسەری گونجاویش ئامادە بکەن بەپێی بنەما سەرەکیەکانی بەڕێوەبردنی پۆل کە مامۆستا دەیەوێت هەبێت لە پۆلەکەیدا. بە واتایەکی تر، مامۆستا نابێت چاوەڕێبکات تا کێشەکان دەستپێدەکەن و ئەوکاتە بیر بکاتەوە چی بکات و هەموو جارێک بە بڕیارێکی جیاواز کۆتایی بێت. لە جیاتی ئەوە مامۆستایان پێویستە سیستەمێک دروست بکەن کە ئەو کێشانە لەبەرچاو بگرێت کە ڕەنگە ڕوبدەن و چارەسەری یەک لەدوای یەکیش ئامادەبکەن بۆیان. ئەم ڕێگایەش دەکرێت زۆر سودبەخش بێت لە بەڕێوەبردنی پۆلدا.

(ئامۆژگاری پراکتیکی، نموونە و ڤیدیۆ پێشکەشدەکرێت لەماوەی کۆرسەکەدا لەسەر ئەوەی چۆن ببیتە مامۆستایەکی ئامادەی پێشوەختە لە پۆلدا.) 

٢- پێدانی ڕێنماییەکان

پێدانی ڕێنماییەکان واتا توانای مامۆستایان لە پێشبینیکردنی ئەو ڕێگایانەی کە بە خوێندکارەکانیان دەڵێن کە چۆن چالاکی و ئەرکەکانیان ئەنجام بدەن. بەپێی توێژینەوەکان، زانینی چۆنێتی ڕێنمایی پێدان کاریگەرییەکی گەورەی هەیە لەسەر:

1. تێگەیشتنی فێرخواز

2. ئەداکانیان

3. بەدەمەوەهاتنی فێرخوازەکان بۆ چالاکییەکانی فیربوونیان

ئەمە ئەو حاڵەتەیە کە زۆرجار خوێندکاران بەدڕەفتاری تێدا دەکەن چونکە تێنەگەیشتوون کەچی بکەن ئەمەش ڕەنگە بەهۆی ئەوە بێت کە مامۆستا ڕێنمایی ناڕونی دابێت بە خوێندکارەکانی.

(ئامۆژگاری پراکتیکی، نموونە و ڤیدیۆ پێشکەشدەکرێت لەماوەی کۆرسەکەدا لەسەر چۆنێتی  پێدانی ڕێنمایی لەپۆلدا.)

٣- پلاندانی وانە

پلاندانانی وانەکان بەشێکی بنچینەییە لە وانەوتنەوەو بەڕێوەبردنی پۆل. لێکدانی تەکنیکە گونجاوەکانی پلاندانی وانەکان یارمەتی مامۆستایان دەدات لە دروستکردنی وانەی سەرنجڕاکێش و بەشداری پێکەر. ئەمەش یارمەتی خوێندکاران دەدات کە چێژ لە وانەکەیان ببینن  و پرۆسەی فێربوون نەرمتر بێت و کێشەکانی بەڕێوەبردنی پۆل کەمتربکاتەوە.

سودی پلاندانان زۆرە وەک یارمەتی مامۆستایان دەدات کە بیربکەنەوە لە چۆنێتی مامەڵەکردن لەگەڵ کردارە ئەرێنی و نەرێنیەکان کە ڕەنگە ڕوبدەن لە پۆلدا و بەشێوەیەکی پێشکەوتو خۆیان ئامادەبکەن بۆ چارەسەرکردنیان.

٤- ڕاستکردنەوە

فێربوون هەمیشە وەک ئەوە نابێت کە مامۆستا دەیەوێت و فێرخوازان زۆرجار هەڵەدەکەن کاتێک فێری شتی نوێ دەبن. ئەم پڕۆسەیە دەکرێت بێزارکەربێت بۆ هەندێک لە خوێندکاران و ببێتە هۆی کێشەی سەرەکی لە بەڕێوەبردنی پۆلدا ئەگەر بەشێوازێکی باش مامەڵەی لەگەڵ نەکرێت لەلایەن مامۆستاوە. گەشەدان بە ڕێگای گونجاو گرنگە بۆ مامەڵەکردن لەگەڵ هەڵەکانی فێرخوازان .

(ئامۆژگاری پراکتیکی، نموونە و ڤیدیۆ پێشکەشدەکرێت لەماوەی کۆرسەکەدا لەسەر چۆنێتی تەکنیکی ڕاستکردنەوە لەپۆلدا.)

٥- شێوازی ڕێکخستنی شوێنی دانیشتن

ئەو ڕێگایەی ڕێ بە خوێندکارەکانت دەدەیت دابنیشن لە پۆلدا لەماوەی وانەکەدا، ڕونکردنەوەکان و کاتێک چالاکی جیاواز ئەنجام دەدەیت دەکرێت ڕۆڵێکی گرنگی هەبێت لە دورخستنەوەی کۆمەڵێک  لە کێشەکانی ناو پۆل و دەکرێت یارمەتیدەربێت لە دەستخستنی وانەیەکی سەرنجڕاکێش و بەشداری پێکەر. هەروەها، چالاکی جیاواز دەکرێت پێویستی بە شێوازی دانیشتنی جیاواز هەبێت کە دەتوانێت کاریگەرییەکی نایابی هەبێت لەسەر هەردوو چالاکی چالاکییەکانی خوێندکاران و بەڕێوەبردنی پۆل.

(ئامۆژگاری پراکتیکی، نموونە و ڤیدیۆ پێشکەشدەکرێت لەماوەی کۆرسەکەدا لەسەر چۆنێتی ڕێکخستنی کورسیەکان لە پۆلدا.)