Feropedia پەروەردەيەكى نێودەوڵەتى بە زمانى كوردى ئایا ھەرگیز بیرت کردوەتەوە باشترینی قوتابخانەکان دەکەونە کوێ وە ڕێساو نھێنی سەرکەوتنی ئەوان چییە ، لەم گرتە ڤیدیۆییەدا سیستمی پەروەردەیی و فێرکردنی فینلەندا روونکراوەتەوە لەگەڵ ھۆکارەکانی یەکەم بوونی سیستمی پەروەردەییان لەسەر ئاستی جیھان، ڕای تۆ چییە ؟ باوەڕت وایە سیستمی قوتابخانەکانی کوردستان سيستەمێكى سەركەوتووە؟
چەند ڕاستییەکی خێرا لەسەر فینلەندا
- لە %3.8 ی دانیشتوانی فینلەندا لە کۆی 5.3 ملیۆن کەس خەڵکی دەرەوەی فینلەندن کە ئەمەش بوەتە ھۆی دروستبوونی کۆمەڵگەیەکی چوونیەک بە شێوەیەکی ڕێژەیی لەم وڵاتە بچوکە دا
- مامۆستایان لە فینلەندا بەباشی ڕاھێنراون و ڕێزيان لێنراوە ، وە لە %10 ی دەرچووی زانکۆکان دادەمەزرێنن .
- بە ھۆی ئەو ڕێبازە سەرەکییە ی کە قابیلی گۆڕانە و لە ناوخۆدا پەیڕەو دەکرێت ، مامۆستا فینلەندییەکان ئەتوانن خۆیان دیزاینی خشتەکانیان و پرۆگرامى خوێندن (مەنھەج) دروستبکەن،
- بە شێوەیەکی ئاسایی قوتابخانەکانەکانی فینلەندا بچووکن لە قەبارەدا ، وە بەڕێوەبەرەکان بەرپرسیارێتی وانەبێژیان دابەشکردووە لە نێوان خۆیاندا .
- قوتابخانە فینلەندییەکان کۆمەڵێک خزمەتی گەورە پێشکەش دەکەن کە ڕۆژانە ژەمەخۆراکی گەرم لە خۆدەگرێت بۆھەمووخوێندکارەکان ، تەندروستی و گرنگیدان بە ددانەکان و چەندین ئامۆژگاری سایکۆلۆجی (دەروونی).
- لە سەدا %40 ی قوتابیانی ناوەندی قوتابخانە فینلەندییەکان جۆرێک لە دەستێوەردانی تایبەت لە ئەستۆ دەگرن ، کۆلێژەکانی قوتابخانە مامۆستای تایبەت لە خۆ دەگرن کە دیاریکراون بۆ ھەڵبژاردنی ئەوقوتابیانەی کە پێویستیان بە یارمەتی زیاترە و یارمەتیان بدەن .
- قوتابخانە دوا ناوەندییەکانی فینلەندا بنەمایەکیان دامەزراندوە کە توانای گۆرانکاری ھەیە کە ئەمەش وا لە قوتابیان دەکات پڕۆگرامێکی خوێندن بۆخۆیان دیزاین بکەن لەسەربنچینەی پێداویستییە تاکە کەسییەکان و ئارەزووەکانیان.
- ڕێژەی دەرچوانی قوتابخانە دواناوەندییەکانی فینلەندا لە سەدا %93 بوو لە ساڵی 2008 دا.
- لە تاقیکردنەوەی پیسا ی کۆتا ساڵەکانی 2003 و 2006 و 2009 فینلەندا یان یەکەم یان دووەمی ڕیزبەندیی بەدەست ھێناوە لە نێوان وڵاتاندا لەسەر ئاستی ھەرسێ پێوانەی : خوێندەواری زانستی ، خوێندەواری ماتماتیکی ، زانینی خوێندنەوە .
سەرچاوە: وەزارەتی فێرکردن و ڕۆشنبیری فینلەندا
سەرچاوەی ڤیدیۆ: ئيره ببينه
ئامادەکاریی بابەت: لؤي حاجي
وەرگێڕ: دادوەر خالید
هەڵەچن: دابان بەهمەن أحمد
ئامادەکاری ڤیدیۆ: دادوەر خالید
