چۆن قوتابییە سەرەتاییەکانمان فێری سەلامەتی ئینتەرنێت بکەین

• “کەسی نامۆ کێیە؟” لەدوای وەرگرتنی چەند وەڵامێکی جۆراوجۆر، دڵنیابەرەوە کە قوتابییەکان لەوە تێگەیشتوون  کەسی نامۆ ئەو کەسەیە کە نایناسین. و ئەوە بیری خوێندکارەکان بهێنەوە کە هەندێک لە ئەو کەسە نامۆیانە لە هەوڵدان بۆ ئازاردانی ئەمان. بەڵام هەموو کەسێکی نامۆش خراپ نییە، دەتوانیت ئاماژە بکەیت بە چەند کەسانێکی نامۆ کە دەرگا بۆ تۆ دەکەنەوە یاخود شتێکت لێکەوتووە و بۆت دەگەڕێننەوە.
•  “چ شتێک نابێت بوترێت بە کەسانی نامۆ؟” کۆمەڵێک وەڵامی هەمەجۆر لە خویندکارەکان وەربگرە، دڵنیابەرەوە کە دەبێت هەندێک شتی وەک “ناونیشان”،  “ژمارەی مۆبایل”، “ناوی تەواو” ئاماژە پێکرابن.
•  “چ شتێک ئاساییە کە بە کەسی نامۆ بوترێت؟” ئەم پرسیارەیان دەکرێت گرانتر بێت بۆ قوتابییەکان بۆ وەڵام دانەوە. لەوانەیە ئەم وەڵامانەت دەست بکەوێت بۆ نمونە “سڵاو” یان “چۆنی؟” ئەگەر قوتابییەکان دوودڵبوون، ئەوا دەنگیان پێبدە بە پەنجە گەورەکەیان لەبارەی چەند شتێکی هەمەجۆری وەک “پەسەندترین ڕەنگ لەلات” یان” خۆشترین تامی ئایسکریم لەلات.” بۆیان ڕوون بکەرەوە کە چەند جۆرە زانیارییەکی دیاریکراو ئەوان ناخاتە مەترسییەوە.
• ” ئایا کەسە نامۆکان لەسەر هێڵ هەن؟” هەندێک لە قوتابییەکان لەوانەیە یاری ئۆنلاین بکەن بۆیە لەوانەیە  چەند وەڵامێک بدەنەوە کە پەیوەندی هەبێت بەو ئەزمونانەوە. قوتابی باخچەی ساوایانم هەبووە کە وتویانە پێیان وایە کە کەسی نامۆ لە ئینتەرنێت هەیە لەبەرئەوەی کە تۆ هەمێشە نازانیت قسە لەگەڵ کێ دەکەیت. لە دوای گفتوگۆیەکی کورت لەسەر چەند ڕێگایەکی جیاواز دەتوانین پەیوەندی بە کەسە نەناسراوەکانەوە بکەین لە ئینتەرنێتدا( کە دەکرێت ئەو ڕێگایانە یاریش لەخۆبگرن)، ڤیدیۆیەکیان پیشان بدە لەبارەی ئەوەی کە چۆن دەتوانن مامەڵە لەگەڵ کەسی نەناسراودا بکەن لە ئینتەرنێتدا.

 با قوتابییەکان سەیری ڤیدیۆی سەلامەتی ئینتەرنێت بکەن لە برەین پۆپ جەی ئاڕ، دواتر داوایان لێبکە پێت بڵین کە چی فێربوون لەو فلیمەوە. دوای چەند وەڵامدانەوەیەک، بەو ووشانەدا بچنەوە کە لە ڤیدیۆکەدا هەن بە بەکارهێنانی چالاکی یاری ووشەکان کە لە سایتەکەدا هەیە. پاشان ڕێیان بدە چالاکی “بنوسە لەبارەیەوە” تەواو بکەن.

 چەند ڕێگایەک هەیە بۆ دڵنیابوونەوە لەوەی قوتابییەکان لە وانەکە تێگەیشتوون:

• یەکێک لە تاقیکردنەوە کتوپڕەکان چاپ بکە (قورس بێت یاخود ئاسان، بەپێی ئاستی قوتابییەکانت) بۆئەوەی بزانیت چی فێربوون.
• با قوتابییەکانت سیناریۆیەک بکەن کە پیشانی بدات تا چەند لە بیرۆکە سەرەکییەکە تێگەیشتوون لە ڤیدیۆکەدا یان پراکتیزەی مامەڵەکردن لەگەڵ کەسە نامۆکان لە ئینتەرنێتدا بکەن.
• داوایان لێبکە پۆستەرێک لەسەر سەلامەتییەکانی ئینتەرنێت ئامادە بکەن بە بەکارهێنانی بەرنامەیەکی وێنەکێشانی وەک توکس پێینت.